 |
saach a iacob. no prendas mu- gier de fijos de canaan. mas ve apadanaran a casa de ba- tuel el padre de tu madre. E prent mugier de fijas de laban 5 ermano de tu madre. E dios omnipotent te bendiga. e te acres- ca. ete amochigue. ete de la bendicion de abraam. Ati & ato linnage. Qvando mouio iacob 10 por se yr. bendixol so padre ysa- ach. E dixol no prendas mugier de las estrannas. Mas de tos pa- rientes. Prent de las fijas de la- ban. E fues iacob aaram e vino 15 acasa de laban so tio. Recibiol bien laban. a iacob. E contol iacob toda su fazienda. E estido alli. . j. mes. dyxo laban a iacob mio sobrino eres. non quiero que me sir- 20 bas en balde. Laban auie .ij. fijas la mayor auie nombre lya. e la menor rachel. E lya. auie los oios muelles. e rachel era muy fermosa. e esta amo ia- 25 cob. Acordaron se laban & iacob quel siruiesse. vij. anos. E dar gelaya por mugier e fizolo as- si. Acabo de los. vij. anos. fizo sus bodas con ella. E quando ve- 30 no ala noch. e cuedo yazer con ella. metieron le en el lecho alya. su ermana la menor. Qvando lo sopo iacob ala man- nana. Rencuros alaban so tyo. 35 |
