 |
al ciego & uerie. Ont diz uade & laua in natatoria siloe en la subida de ualde iosapha suso es monte oliueti. Mons un- ctionis ço es monte crismado. Alli deman- daron los dicipulos a ihesu xristo edixieron le 5 sennor muestra nos aorar dixo el quando orardes assi dezit. pater noster qui es in celis dalli de mont sion puio nuestro sennor ihesu xristo. alcielo aldia de ascenssio domini alli en monte oliueti es mons offenssionis 10 que alli consintio el rey salomon la ydola me- loch. por amor de huna desus mugieres por aquella ocasion ouo enemiztad. entrel & el criador alli delant mont oliueti apart de meridie es behtfage dalli enbio 15 ihesu xristo los. ij. dicipulos aiherusalem & dixo les ite in castellum quod contra. u. Delant bethfage eluego es bethania alli eran maria & marta ermanas delazaro el que ressucito ihesu xristo del monument en 20 aquel logar fue huesped de simeon el le- proso alli perdono sos peccados a sancta maria magdalena onde diz deque eiecerat. vij. demonia enla descenduda de la montanna a un ual aflum iordan aun castiello 25 que anombre danun. O mucha sangre es- parzian ladrones por aquel logar diz el euangelio homo quidam descendecende- bat a iherusalem in gerico & incidit in latro- nes enaques logar subie heliseus 30 el propheta & salieron los njnnos de iherusalem & escarnienle & dizienle sub caluo sub & el maldixoles el monte. del criador salieron. ij. osos dela montanna & mataron. xL. &. ij. njnnos 35 |
