 |
e dixieron le paz atu uenida. e dixo. el paz por sacrificar al sennor uin adobados e uernedes comigo al sacrificio e sanctigo aysay e asos fijos. e clamolos al sacri- 5 ficio. qual ora entraron uio adeliab e dixo non es delant el sennor un- tado dixo el nuestro sennor asamuel non cates asu uista ni alteza de so estado. que lo aborreci que non iud- 10 go yo segunt es grand omne que el omne uee enla faz e dios en el coraçon fablo ysay a aminadab. e aduxolo delant samuel e dixo. Non esleyo este el sennor. Clamo 15 ysay aseyna e dixo. Non es este el que esleyo el criador fizo passar. ysay. . v. sos fijos delant samuel edixo samuel aysay aun complieron se los mancebos : aun uno remaso el 20 menor. e es pastor delas oueias. Dixo samuel aysay embia por el que nos nos tornaremos fata que uenga aqui. Embio por el e aduxol. e era ruuio e de bel catar e fermoso 25 de cara dixo nuestro sennor asamuel lieuat e untalo que est es. priso sa- muel el cuerno del olio. e un- tol entre sus manos. prouecio spiritu de nuestro sennor en dauid des dia 30 asuso O nascio ihesu xpisto. EN bethleem nascio nuestro sennor ihesu xristo. enel pesebre e alli es en cara alli luego guio el estrella alos tres reyes magos 35 |