 |
salyo tisbe. e uio so amygo muerto & fizo grande duelo e priso el espada e metiola ri- eta a tierra e la punta al coraçon e dexos caer sobrella e murio 5 por duelo de so amygo. Estos paganos fueron soterrados en la melyda sobre la cibdat a una fuent. o iaze. j. Rey. quel di- zian elyachim. Alli en melyda 10 a una buena torre que fizo iudas macabeus De ionas profeta. Alli por la ribera del mar ua omne atarsa. E ouo nombre tarsis aaquella tarsis cuedo foyr 15 ionas quando el nuestro sennor lo em- biaua apredicar a nynyue. Mo- uios de iapha que ouo nombre iopen e entro en la naf el uiento fue grand en la mar e cuedo la naf 20 perir e echaron suertes e cayo la suert a ionas. e echaronlo en la mar. enbio nuestro sennor. j. pez grant & trago a ionas e fue enel uyentre del pez. iij. dias &. iij. 25 noches. E oro ionas al nuestro sennor dios del uientre del pez & dixo. myenbre te de mi angustia e oy me del uientre del infierno e dixo fuy desfoydo de lante ti 30 mas quand yre por catar al pa- lacio de tu sanctidat. Comendo nuestro sennor al pez que lo echas en seco e assi lo fizo & fuxo ionas a ni- niue que era grant pieça andadura 35 |