 |
depues ouo nombre iherosolimam en ebrayco. iherusalem depues por ezechias ouo nombre betal- midas. ço diz casa sancta en ebra- yco. batt almahadiç iherusalem 5 fue poblada en monte syon. vnde dicitur diligite dominus portas syon. depues fue destructa ala postremera uegada. por vespesianus etitus. e depues 10 domicianus la poblo. agora es derredor de monte caluarie epusol nombre heliam. Quando salio iacob de bersabee ada- ram. eueno a bethel. e yogo 15 alli que allis le puso el sol epriso delas piedras del logar epuso las a cabeça e veno en vision dela noch que vedia una esca- lera que estaua sobre la tierra 20 e el cabo tenia sobre los cielos eangeles de nuestro sennor subian e descendian. e nuestro sennor esti- do sobrella. e dixo yo el sen- nor dios de abraham & de y- 25 saac la tierra en que tu iazes ati la dare e ato linnage sera to linnage cuemo poluo dela tierra. e a cresçra al sol ponient e a septentrionem e ameridie ben- 30 dezir se an enti todas las ge- neraciones. dela tierra. e ento linnage. e yo sere contigo eguardar te he poro andidie- res. etornar te he a esta tierra. 35 |