 |
e establio assi que tan grant part ouiessen los canssados cuemo los que fueron ala batalla e fue assi. e dauit de parte de su quinta. enbio present asos amigos. atodos los 5 buenos dela tierra. alli en sicelech estaua dauid eueno ael. j. omne da- malech. e todo ploroso. edemandol dauid nueuas. dont vinie. e dixol. que vinie dela batalla. e el con sus 10 manos auie muerto el Rey saul. emostrol corona que tenia en su cabeça. e el guarniment delos braços. emintie que non le ma- to el Ovo dauid grand pesar eron- 15 pio sos uestidos eploro mucho a saul. e mando matar a este omne de amalech. e dixol. San- guis tuus super capud tuum. Tv boca testimonio sobreti. e dixo 20 yo mate untado del criador. Alli delant sicelech es gabaon ont fueron los gabaones que vi- nieron ala merced de iosue. e de fijos de israel. Aquella gabaon 25 agora a nombre la grant naomaria De gabaon aiherusalem. a quatro migeros. e es aparte demeridie iherusalem ouo nombre primero luça 30 e depues ouo nombre bethel alli es mont maria. o mando nuestro sennor a abraam que fizi- es holocaust de so fijo ysaac iherusalem ço diz uista de paz 35 |